ಒಮ್ಮೊಮ್ಮೆ ನಾವು ನೋಡ್ತಾ ಇರೋ ನ್ಯೂಸ್ ಚೆನ್ನಾಗಿರದಿದ್ದರೂ ನ್ಯೂಸ್ ಓದುತ್ತಿರೋ ಹುಡಿಗಿ ಚೆನ್ನಾಗಿದ್ದಾಳೆ ಅಂತ ನ್ಯೂಸ್ ನೋಡ್ತಾ ಇರ್ತೇವಿ. ಹಾಗೆ ಇವತ್ತು ನಾನು ಅಟೆಂಡ್ ಮಾಡ್ತಾ ಇರೋ ಮದುವೆ ಇಷ್ಟ ಇರದಿದ್ದರೂ, ಆ ಮದುವೆಯಿಂದ ಒಂದು ಹುಡಿಗಿ ಜೀವನದಲ್ಲಿ ನೆಲೆ ಕಾಣುತ್ತಾಳಲ್ಲ ಅನ್ನೋದೇ ಹೆಚ್ಚು ಖುಷಿ ಕೊಡ್ತಾ ಇದೆ.
ಮಳೆ ಅಂದ್ರೆ ಎಲ್ಲ ಹದಿ ವಯಸ್ಸಿನ ಹುಡಿಗಿಯರಿಗೂ ಇಷ್ಟ ಆದ್ರೆ ಅದೇ ಮಳೆ ತನ್ನ ಮದುವೆ ಆಗಿ ಇನ್ನೇನು ಮೆರವಣಿಗೆ ಹೋರಡಬೇಕು ಅನ್ನೋ ಟೈಮ್ ನಲ್ಲಿ ಗುಡುಗು ಸಿಡಿಲಿನ ಸಮೇತ ವಕ್ಕರಿಸಿಕೊಂಡು ಬಿಟ್ಟರೆ ಆ ಹುಡಿಗಿ ಮಳೇನ ಸಕತ್ ಬಯ್ಯುತ್ತಾಳೆ. ಯಾಕೆ ಹೇಳಿ? ಮಳೆ ಬರಬೇಕಾದ ಟೈಮ್ ನಲ್ಲಿ ಬಂದರೆ ಬೆಳೆ ಬೆಳೆಯುತ್ತದೆ. ರೈತನ ಜೀವ ಉಳಿಯುತ್ತದೆ. ಹಾಗೆ ಪ್ರೀತಿ ಮಾಡೋ ಟೈಮ್ ನಲ್ಲಿ ಪ್ರೀತಿ ಆಯಿತು ಅಂದ್ರೆ ಪ್ರೇಮಿ ಜೀವನ ಬೆಳಗುತ್ತೆ, ಮದುವೆ ಆಗುತ್ತೆ, ಮುಂದೆ ಎಲ್ಲ ಸರಿ ಇದ್ದರೆ ಮಕ್ಕಳು ಆಗುತ್ತವೆ. ಅವುಗಳ ಹಲ್ಲು ಉಜ್ಜಿ, ತಲೆ ಬಾಚಿ, ಡ್ರೆಸ್ ಹಾಕಿ ಸ್ಕೂಲ್ ಬಸ್ ನಲ್ಲಿ ಕುಳ್ಳಿರಿಸಿ ಟಾ ಟಾ ಬಾಯ್ ಬಾಯ್ ಅಂತ ಹೇಳಿ ಸಂತೋಷ ಪಡುವ ಸುಂದರ ಸಂಸಾರ ಆಗುತ್ತೆ. ಆದ್ರೆ ನನ್ನ ಜೀವನದಲ್ಲೂ ಸರಿಯಾದ ಸಮಯದಲ್ಲಿ ಮಳೆ ಆಯಿತು ಬಟ್ ನಾನು ಕೊಡೆ ಹಿಡಿದೆ, ಪ್ರೀತಿ ಹುಡಿಕಿಕೊಂಡು ಬಂದಿತ್ತು ಆದ್ರೆ ನಾನು ತಡೆ ಹಿಡಿದೆ.
ಹರಳುವ ಹೂವಿಗೂ ಗೊತ್ತಿರೊಲ್ಲ ತಾನು ದೇವರ ಪಾದ ಸೇರ್ತೀನಾ ಇಲ್ಲ ಡಸ್ಟ್ ಬಿನ್ ಸೇರ್ತೀನ ಅಂತ. ಬೀಳುವ ಪ್ರತಿ ಹನಿಗೂ ಗೊತ್ತಿರೋಲ್ಲ ತಾನು ನದಿಯಲ್ಲಿ ಬಿದ್ದು ಸಾಗರ ಸೇರ್ತೀನ ಅಥವಾ ಕೊಚ್ಚೆ ಗುಂಡೀಲಿ ಬಿದ್ದು ಕೆರೆ ಸೇರ್ತೀನಾ ಅಂತ. ಹಾಗೆ ಪ್ರೀತಿಸುವ ಪ್ರತಿ ಹುಡುಗನಿಗೂ ಗೊತ್ತಿರೋಲ್ಲ ಆ ಹುಡಿಗಿ ತನ್ನ ಶ್ರೀಮತಿ ಆಗ್ತಾಳ ಇಲ್ಲ ಇನ್ನೊಬ್ಬನ ಜೊತೆ ಸಿಂಗರಿಸಿದ ಮದುವೆ ಮಂಟಪ ಸೇರ್ತಾಳಾ ಅಂತ. ನನ್ನ ವಿಷಯದಲ್ಲಿ ಅವಳು ನನ್ನ ಮೇಲೆ ಪ್ರೀತಿಯ ಸಿಂಚನ ಮಾಡಿದಳು ನಾನು ಆ ಸಿಂಚನಕ್ಕೆ ಮೊಳಕೆಯೋಡೆಯಲೇ ಇಲ್ಲ. ಗಿಡವಾಗಲಿಲ್ಲ, ಹೂ ಹರಳಲೇ ಇಲ್ಲ. ಅವಳು ಬೇಸತ್ತು ಬೇರೊಂದು ಗಿಡದ ಬುಡಕ್ಕೆ ತಂಪೆರೆದು ತಣಿಸಲು ಗಂಗೆಯಾಗಿ ಹೊಗುತ್ತಿದ್ದಾಳೆ.
ಪ್ರೀತಿ ನಿವೇದನೆ ಮಾಡುವಾಗ ಪ್ರತಿಯೊಬ್ಬ ಹುಡುಗನಿಗೆ ಅನ್ನಿಸ್ತಾ ಇರುತ್ತೆ ಈ ಹುಡಿಗಿ ಮಿಸ್ ಆದರೆ ಇಂತ ಒಳ್ಳೆ ಹುಡಿಗಿ ಮತ್ತೆಂದು ಸಿಗೋಲ್ಲ ಅಂತ. ಆದ್ರೆ ಎಲ್ಲ ಮಾತುಕತೆ ಮುಗಿದು ತಾಳಿ ಕಟ್ಟುವ ಕಟ್ಟಾ ಕಡೆ ಗಳಿಗೆಯಲ್ಲಿಯೂ ಇನ್ನು ಸ್ವಲ್ಪ ಹುಡಿಕಿದ್ದರೆ ಇದಕ್ಕಿಂತ ಒಳ್ಳೆ ಹುಡಿಗಿ ಸಿಗ್ತಾ ಇದ್ದಳೆನೋ ಅಂತ ಅನ್ನಿಸ್ತಾ ಇರುತ್ತೆ ಈ ಅರೆಂಜ್ ಮ್ಯಾರೇಜ್ ನಲ್ಲಿ. ಬಟ್ ಆ ಒಳ್ಳೆ ಹುಡಿಗಿ ಅನ್ನೋದರ ಅರ್ಥ ಪ್ರೀತಿ ಮಾಡುವವನಿಗೂ ಗೊತ್ತಿರೋದಿಲ್ಲ ಮದುವೆ ಮಾಡಿಕೊಳ್ಳುವವನಿಗೂ ಗೊತ್ತಿರುವದಿಲ್ಲ. ನನ್ನನ್ನು ಪ್ರೀತಿಸಿ ಇವತ್ತು ಬೇರೊಬ್ಬನ ಜೊತೆ ಮದುವೆ ಮಾಡಿಕೊಳ್ತಾ ಇರೋ ಆ ಹುಡಿಗಿ, ತನ್ನ ಹುಡುಗನಿಗೆ ಅರ್ಥ ಆಗುವ ಪ್ರೀತಿ ಕೊಡಲಿ. ಸಾರ್ಥಕ ಬದುಕು ಕಟ್ಟಿಕೊಡಲಿ. ಶುಭವಾಗಲಿ.
-Raj..
No comments:
Post a Comment